కమల్ హాసన్ స్ట్రాటజీ షాక్.. శివకార్తికేయన్‌తో ‘సేయాన్’ అనౌన్స్‌మెంట్

రాజ్ కమల్ ఫిల్మ్స్ బ్యానర్‌పై మరో భారీ ప్రాజెక్ట్

మేజర్ ముకుంద్ వరదరాజన్ జీవితాన్ని ఆధారంగా తీసుకుని తెరకెక్కిన ‘అమరన్’ చిత్రం బాక్సాఫీస్ వద్ద సంచలన విజయం సాధించింది. శివకార్తికేయన్ కెరీర్‌లో అత్యంత విజయవంతమైన సినిమాగా నిలిచిన ఈ చిత్రం రూ.300 కోట్లకు పైగా వసూళ్లు రాబట్టింది. కమల్ హాసన్‌కు చెందిన రాజ్ కమల్ ఫిల్మ్స్ నిర్మించిన ఈ చిత్రానికి రాజ్‌కుమార్ పెరియసామి దర్శకత్వం వహించగా, సాయి పల్లవి కథానాయికగా మెప్పించింది.

ఈ విజయోత్సాహంలోనే కమల్ హాసన్ – శివకార్తికేయన్ కాంబినేషన్‌లో మరో చిత్రం ప్రకటించడం విశేషంగా మారింది.

శివకార్తికేయన్ 26వ చిత్రం ‘సేయాన్’

శివకార్తికేయన్ కెరీర్‌లో 26వ సినిమాను రాజ్ కమల్ ఫిల్మ్స్ ఇంటర్నేషనల్ నిర్మించనుంది. ఈ ప్రాజెక్ట్‌కు ‘సేయాన్’ అనే టైటిల్ ఖరారు చేసినట్లు వెల్లడించారు. కమల్ – శివకార్తికేయన్ కలయికలో ఇది రెండో చిత్రం కావడంతో అంచనాలు భారీగా ఉన్నాయి. త్వరితగతిన షూటింగ్ పూర్తి చేసి ప్రేక్షకుల ముందుకు తీసుకురావాలని ప్లాన్ చేస్తున్నట్లు సమాచారం.

భారీ కాన్సెప్ట్‌తో ముందుకొస్తున్న ‘సేయాన్’

ఈ చిత్రానికి శివకుమార్ మురుగేశన్ దర్శకత్వం వహించనున్నారు. గతంలో పలు విజయవంతమైన చిత్రాలకు పనిచేసిన ఆయన కథ, విజన్ శివకార్తికేయన్‌ను ఆకట్టుకున్నట్లు తెలుస్తోంది. ‘తాయికిళవి’ సినిమా పనితీరు చూసి ఆయనను ఎంపిక చేసినట్లు సమాచారం. భారీ బడ్జెట్‌తో ఈ సినిమాను తెరకెక్కించే యోచనలో ఉన్నారు.

కుమారస్వామి నేపథ్యంలో కథ

SK26 ఫస్ట్ లుక్ విడుదలకు ముందే ‘సేయాన్’ టైటిల్ సోషల్ మీడియాలో వైరల్ అయింది. పోస్టర్‌లో శూలం (వేల్) పట్టుకున్న శివకార్తికేయన్ లుక్ ఆసక్తిని రేకెత్తించింది. తమిళ దేవుడు మురుగన్ పేర్లలో ఒకటైన ‘సేయాన్’ను టైటిల్‌గా పెట్టినట్లు స్పష్టమవుతోంది.

ఈ చిత్రంలో శివకార్తికేయన్ మురుగన్ భక్తుడిగా కనిపించనున్నట్లు టాక్. ‘గాడ్ ఆఫ్ వార్’ తరహా కాన్సెప్ట్‌తో, కుమారస్వామి కథాంశాన్ని ప్రధానంగా తీసుకుని సినిమా రూపుదిద్దుకుంటోందని సమాచారం.

అల్లు అర్జున్ – త్రివిక్రమ్ ప్రాజెక్ట్‌పై ప్రభావం?

ఇటీవల అల్లు అర్జున్, త్రివిక్రమ్ కలయికలో కూడా ‘గాడ్ ఆఫ్ వార్’ నేపథ్యంతో సినిమా ప్లాన్ చేస్తున్నారనే వార్తలు వచ్చాయి. ఇదే కాన్సెప్ట్‌ను కమల్ హాసన్ తన బ్యానర్‌పై ముందుగా ప్రకటించడం చర్చనీయాంశంగా మారింది.

ఒకే థీమ్‌తో రెండు ప్రాజెక్టులు రావచ్చనే టాక్ ఇండస్ట్రీలో వినిపిస్తోంది. ఇదే నిజమైతే అల్లు అర్జున్ – త్రివిక్రమ్ ప్రాజెక్ట్‌పై ప్రభావం చూపే అవకాశముందని సినీ వర్గాలు భావిస్తున్నాయి.

మొత్తానికి, ‘సేయాన్’ ప్రకటనతో కోలీవుడ్ – టాలీవుడ్ రెండింటిలోనూ ఆసక్తికర చర్చలు మొదలయ్యాయి.